2024 թ-ին աշխարհում լրացուցիչ 41 ծայրահեղ շոգ օր է գրանցվել
- Armen Sukiasyan
- Jan 2, 2025
- 1 min read
2024 թվականին ողջ աշխարհում կյանքին սպառնացող ջերմային ալիքների տևողությունը ընդհանուր առմամբ ավելացել է 41 օրով։ Այս մասին հայտնում է Associated Press-ը՝ վկայակոչելով World Weather Attribution-ի և Climate Central-ի համատեղ զեկույցը։
Ինչպես հաղորդում է լրատվականը՝ զեկույցի արդյունքները հիմնված են գիտնականների միջազգային թիմի վերլուծության վրա, որը համեմատել է մոլորակի տարբեր շրջաններում ցերեկային ջերմաստիճանը։
Հետազոտության համաձայն՝ որոշ շրջաններում անցած տարի ծայրահեղ շոգը տևել է 150 օր և ավելի:
Փորձագետները նաև ուսումնասիրել են 29 ծայրահեղ եղանակային իրադարձություններ այս տարի, որոնց հետևանքով զոհվել է առնվազն 3700 մարդ, իսկ միլիոնավոր մարդիկ ստիպված են եղել լքել իրենց տները:
