Կանգնեցրե՛ք Ամուլսարի կործանիչ նախագիծը․ բողոքի ցույց կառավարության շենքի մոտ
Այսօր կառավարության շենքի դիմաց ընթացող բողոքի ակցիայի ընթացքում քաղաքացիները միջազգային պատվիրակությունների ուշադրությունը հրավիրեցին նաև Հայաստանի բնապահպանական խնդիրները։ Մասնավորապես բարձրաձայնեցին Ամուլսարի հանքավայրի շահագործման խնդիրը, որը մեծ ռիսկեր է պարունակում շրջակա միջավայրի համար։
«Մենք՝ բնապահպաններս և քաղաքացիական հասարակությունը, տարիներ շարունակ և բազմիցս ներկայացրել ենք հիմքեր, որտեղ ասվում է, որ կործանիչ է այս ծրագիրը Ջերմուկի տարածաշրջանի համար։ Սակայն կառավարությունը և նրան մոտիկ կանգնած մարդիկ որոշել են այսօր գործարկել կործանիչ ծրագիրը, որն իսպառ ոչնչացնելու է այս տարածաշրջանը որպես բնական միջավայր։ Այսօր խոսում եմ մեր բնապահպան գործընկերների անունից և ասում՝ ո՛չ Ամուլսարի ծրագրին, կանգնեցրե՛ք կործանարար ծրագիրը, որը կոչնչացնի ամբողջ շրջապատը, տարիներ շարունակ, տասնյակ, հարյուրավոր տարիներ շարունակ չենք կարողանալու մենք վերականգնել այդ բնական միջավայրը»,- հայտարարեց թռչնաբան Սիլվա Ադամյանը։
Ներկաները սկսեցին վանկարկել «Ո՛չ՝ Ամուլսարի ծրագրին, ո՛չ՝ Ամուլսարի ծրագրին»։
