Նարեկ Կարապետյանը կարծում է, որ մեկ ամսվա ընթացքում կձերբակալվի. Մարիո Նավֆալի
«Նարեկ Կարապետյանն ակնկալում է, որ մեկ ամսվա ընթացքում կձերբակալվի»,- X-ի իր միկրոբլոգում գրել է ամերիկացի հարցազորւցավար Մարիո Նավֆալին, որն օրեր առաջ զրուցել է «Ուժեղ Հայաստան» կուսակցության քաղխորհրդի անդամ Նարեկ Կարապետյանի հետ։
Նրանք զրուցել են, թե ինչպիսին կլինի Հայաստանը, երբ Սամվել Կարապետյանը լինի Հայաստանի վարչապետ, խոսել են նաև հարևան Իրանի դեմ ընթացող պատերազմի հետևանքներից;
«Նարեկ Կարապետյանն այն ընդդիմադիր առաջնորդն է, ով ասում է այն, ինչ դիվանագետներից շատերը չեն ասի: Իրանը, որ քանդվում է, նման չի լինի Իրաքին. Չորս անգամ ավելի վատ կլիներ։
Հայաստանի վարչապետը բանտարկում է ընդդիմության առաջնորդներին և հարձակվում եկեղեցու վրա, մինչդեռ թմրանյութերի հետ կապված հանցագործությունները հինգ անգամ ավելացել են երկրում»,-հարցազրույցից պատառիկներ է հրապարակել Մարիո Նավֆալին։
