Քիմ Քարդաշյանը և զուգընկերը հայտնվել են ուշադրության կենտրոնում

Քիմ Քարդաշյան և Լյուիս Հեմիլթոն զույգը հայտնվել է ուշադրության կենտրոնում՝ ռոմանտիկ սերֆինգի ընթացքում համբուրվելու լուսանկարների պատճառով։ Զույգը հանգստանում էր Մալիբույում, որտեղ նրանք ոչ միայն սերֆինգ էին փորձում, այլև չէին թաքցնում իրենց զգացմունքները։ Նրանց նկատել են ծովում համբուրվելիս, գրկախառնվելիս և միասին ալիքների վրա սահելիս՝ լիովին տարված միմյանցով։

Վերջին շաբաթներին զույգը հաճախ է միասին նկատվում տարբեր քաղաքներում՝ Լոս Անջելեսից մինչև Լոնդոն։ Նշվում է, որ Քիմը նույնիսկ կարճ այց է կատարել Մեծ Բրիտանիա՝ ընդամենը մեկ օր անցկացնելու Լյուիսի հետ՝ չնայած իր խիստ զբաղված գրաֆիկին։ Ավելի վաղ նրանք միասին հայտնվել էին նաև Super Bowl-ում, իսկ վերջերս՝ Ճապոնիայում, որտեղ Լյուիսը մասնակցում էր մրցարշավի։ Չնայած երկուսն էլ շատ զբաղված են իրենց կարիերաներով, նրանք, ըստ մտերիմների, փորձում են հնարավորինս հաճախ ժամանակ անցկացնել միասին՝ պահելով իրենց կապը, եթե դրա համար պետք է հազարավոր կիլոմետրեր անցնել։