«Վատ էի զգում, որ չեմ կարողանում տակից դուրս գալ, ես էի ամենաթույլ օղակը, խնդրեցի ռեժիսորին՝ դադարեցնել այս ամենը». Արտյոմ Կարապետյանը՝ թատրոնում խաղալու մասին
- Armen Sukiasyan
- Jan 9, 2025
- 1 min read
«Մի անգամ ինձ հրավիրեցին Մալյան թատրոնում ներկայացման մեջ խաղալու և իմ ամենամեծ սխալն էր, որ ես շատ ուրախ գնացի»,- Նոր ալիքի «Զավզակներ» հաղորդաշարի շրջանակներում ասել է դերասան Արտյոմ Կարապետյանը:
«Հայտնվեցի Հենրիկ Մալյանի կուրսում ու նրանց հետ էի խաղալու: Շատ հզոր գործ էր, իսկ այդ դերը 80-ականներին խաղացել էր իմ սիրելի Դավիթ Հակոբյանը: Ինձ համար մեծ պատասխանատվություն էր, որ նրա խաղալուց հետո այդ դերը պիտի ես խաղայի:
Սկսեցինք փորձերը: Մի քանի ամիս գնացի, եկա, հասկացա, որ ես չեմ կարող: Այն դինամիկան, որ կար հեռուստատեսությունում, չկար թատրոնում:
Ռեժիսորին՝ Նարինե Մալյանին խնդրեցի, որ այս ամենը դադարեցնենք, վատ էի զգում, որ չեմ կարողանում տակից դուրս գալ այդ գործի:
Ու այդպես էլ չխաղացինք: Ոչ թե նրա համար, որ նրանք լավը չէին, իրենք շատ ուժեղ էին, ես էի ամենաթույլ օղակը»,- պատմել է դերասանը:
