«Համեմատեք նույն թեմայի շուրջ 2018-2026թթ․ արտահայտած մտքերը»․ Թաթուլ Հակոբյան
- Arnold Gevorgyan
- 2 hours ago
- 1 min read
Լրագրող Թաթուլ Հակոբյանի ֆեյսբուքյան գրառումը. «Հայաստանի կառավարության տարբեր ներկայացուցիչներ, ԱԺ իշխանական պատգամավորներ ու պարզ, շարքային ՔՊ-ականներ, նկատել եմ, ֆեյսբուքում կոլեկտիվ կերպով և գրեթե նույն բառապաշարն օգտագործելով քննադատում են ընդդիմության տարբեր գործիչների՝ նրանց պիտակավորելով ստելու, մանիպուլյացիայի և այլ մեղքերի մեջ:
Բացարձակ խնդիր չունեմ և ոչ էլ նպատակ պաշտպանել ընդդիմության որևէ ներկայացուցչի: Դա իմ գործը չէ:
Ուղղակի առաջարկում եմ կարդալ իշխող ուժի ղեկավարի՝ նույն թեմայի շուրջ 2018-ից մինչև 2026 թվականն ընկած ժամանակաշրջանն արտահայտած մտքերը և համեմատել:
Ու այդ ժամանակ կարող եք տեսնել, թե ինչ ասել է մանիպուլյացիա, սուտ, էլ գող փիսո, էլ քաչալ շուն...
Դրանցից մեկը՝ «Արցախը Հայաստան է և վերջ», «Ղարաբաղը Ադրբեջան է»...
Ի դեպ, ինչքանով ժամանակս ներում է, հավաքում եմ այդ հակասությունները՝ ըստ թեմաների, և հրապարակելու եմ մի արևոտ օր»:
