Մոուրինյուի գլխավորությամբ «Ռեալը» կարող է շատ ավելի ուժեղ դառնալ․ Կառլես Պույոլ
- 1 day ago
- 1 min read
Կատալոնական «Բարսելոնայի» նախկին ավագ Կառլես Պույոլի կարծիքով՝ Ժոզե Մոուրինյուի վերադարձը Մադրիդի «Ռեալ» կարող է միայն օգուտ բերել մադրիդյան ակումբին։
«Մոուրինյուի գլխավորությամբ նրանք կարող են շատ ավելի ուժեղ դառնալ»,- Պույոլի խոսքերն է մեջբերում Madrid Universal-ը։
Իսպանացի նախկին ֆուտբոլիստը վերհիշել է Մոուրինյուի և Պեպ Գվարդիոլայի աշխատանքի տարիներին երկու գրանդների միջև առկա թեժ դիմակայությունը․
«Մենք խոսում ենք մեծագույն մարզչի մասին։ Ես հանդիպել եմ նրան «Բարսելոնայում», երբ դեռ ակադեմիայում էի և նոր էի տեղափոխվում առաջին թիմ։ Արդեն այն ժամանակ պարզ էր, որ նա շատ բան գիտի ֆուտբոլի մասին։ Այնուհետև նա հիանալի կարիերա կառուցեց և գլխավորեց «Ռեալը»։ Այդ տարիներին մենք մեր հնարավորությունների գագաթնակետին էինք։ Դա մեծագույն մրցակցություն էր»,- նշել է Պույոլը։
Միևնույն ժամանակ, «Բարսելոնայի» լեգենդը վստահություն է հայտնել նաև իր նախկին թիմի նկատմամբ։ Պույոլը կարծում է, որ կատալոնացիները ներկայումս բավականին ուժեղ կազմ ունեն և ի զորու են հաջող մրցաշրջան անցկացնել։
