Բիանկա Սենսորին սկուտեղի վրա ցուցադրել է Քանյե Ուեսթի կտրված գլուխը
Բիանկա Սենսորին կրկին անցել է անհավանական սահմանը՝ սոցիալական ցանցերում հրապարակելով իր ամուսնու՝ Քանյե Ուեսթի ցնցող բեմադրված լուսանկարը՝ սկուտեղի վրա դրված «կտրված գլխով»։
31-ամյա Սենսորին, որը հայտնի է իր սադրիչ կերպարներով և արարքներով, հրապարակել է Քանյե Ուեսթի և ռեփեր Դոն Թոլիվերի նոր տեսահոլովակի նկարահանումների կուլիսային լուսանկարների շարք։ Տեսահոլովակը նկարահանվել է «OK» երգի հիման վրա։
Անսովոր տեսահոլովակի ռեժիսորը հենց Բիանկան է, իսկ այն թողարկվել է այս ամսվա սկզբին և նկարահանվել դիահերձարանի ոճով։ Դրվագներից մեկում Քանյեն պատկերված է առանց գլխի՝ պառկած վիրահատական սեղանին, մինչ բժիշկները նրա որովայնից տարբեր առարկաներ են հանում։
Բիանկայի հրապարակած լուսանկարները նույնպես անհանգստացնող էին։ Լուսանկարներից մեկում մոտիկից պատկերված է Քանյեի «կտրած գլուխը»։ Մյուս լուսանկարում ռեփերը անշարժ հայացքով կանգնած է պատի մոտ՝ սուրը ձեռքին։
Մեկ այլ լուսանկարում երաժիշտը կանգնած է Դոն Թոլիվերի կողքին, որի հագուստը պատված է արյան հետքերով։
