Բրյուսելը կխաբի․ Լավրովը՝ ԵՄ-ին Հայաստանի անդամակցության ձգտման մասին
ՌԴ ԱԳ նախարար Սերգեյ Լավրովը հայտարարել է, որ չի պատկերացնում, թե Հայաստանն ինչպես կարող է անդամակցել ԵՄ-ին երկար տարիներ թեկնածուի կարգավիճակ ունեցող այլ երկրներից շուտ:
«Եթե խոսենք Նիկոլ Փաշինյանի կառավարության՝ դեպի Եվրամիություն ձգտումների մասին, ապա Եվրամիության իշխանությունները խաբել կարող են, և կարծում եմ՝ հաստատ կխաբեն։ Ես չեմ տեսնում, թե ինչպես Հայաստանը կարող է հայտնվել Եվրոպական միությունում, որտեղ արդեն տասնամյակներ շարունակ հերթում են Թուրքիան, և, օրինակ, Սերբիան», – ասել է Լավրովը Երիտասարդության միջազգային փառատոնի ժամանակ։
Նրա խոսքով՝ Ռուսաստանը չէր ցանկանա վճարել ԵՄ-ին Հայաստանի անդամակցության նախապատրաստման համար։
«Ռուսաստանը չէր ցանկանա վճարել Եվրամիությանը անդամակցության կամ անդամակցության նախապատրաստության համար այն հսկայական արտոնությունների միջոցով, որոնք Հայաստանը ստանում է ԵԱՏՄ-ում», - ասել է Լավրովը:
