Միլիարդատեր ռուս օլիգարխ Սամվել Կարապետյանը՝ Կրեմլի հիբրիդային զենք. Նախատեսում են Հայաստանը դարձնել երրորդ քեյս. Կիրիլ Ռոգով
Միլիարդատերերը Կրեմլի նոր հիբրիդային զենքն են։ Հայաստանում հունիսին կայանալիք ընտրություններում միավորված ընդդիմության դեմքը, ըստ էության, կլինի ռուս օլիգարխ Սամվել Կարապետյանը, որը «Ֆորբսի» ռուսական ցուցակի 44-րդ համարն է, Ռուսաստանում «Ռիո»կենտրոնների և «Ֆորա-բանկի» սեփականատերը։
Այս մոդելն արդեն դառնում է Կրեմլի այցեքարտը հետխորհրդային տարածքում. (ռուս)ամետօլիգարխ, որը դառնում է Մոսկվային դուր չեկող երկրի արևմտամետ կառավարության ընդդիմության կենտրոնը, օգտվում է իր ակտիվների (որոնք գտնվում են հիմնականում Ռուսաստանում) պաշտպանվածությունից, Մոսկվայի տեղեկատվական և կազմակերպչական աջակցությունից և համախմբում է աջակողմյան ընտրազանգվածը՝ ազգային ինքնության, եվրասկեպտիցիզմի և Ռուսաստանի հետ պրագմատիկ առևտրային համագործակցության կարգախոսների ներքո (ձեռքին՝ ռուսական երաշտահավ եվրոպական կռունկի փոխարեն՝ առասպելական եվրաինտեգրացիա, որին հասնելըհեռու է՝ ինչպես երկնքին)։
Այս մոդելն աշխատել է Վրաստանում (Բիձինա Իվանիշվիլի) և քիչ էր մնում աշխատերՄոլդովայում (Իլան Շոր): Նախատեսվում էՀայաստանը դարձնել երրորդ քեյսը։
Կարապետյանն արդեն հասցրել է դաշինք կնքել Հայ Առաքելական Եկեղեցու հետ, Հայաստանում լինել կալանքի տակ, դառնալ այսօրվա դրությամբ հանրապետության ամենահայտնի քաղբանտարկյալը և զրկվել իր հիմնական հայկական ակտիվից: Նրան հազիվ թե հաջողվի դառնալ վարչապետ. դրա համար նրան անհրաժեշտ է ապահովել խորհրդարանում տեղերի երկու երրորդը: Սակայն, ինչպես ցույց է տալիս Իվանիշվիլիի օրինակը, դա նաև անհրաժեշտ չէ: Եթե նրա կուսակցությունը Փաշինյանի կողմնակիցներին ստիպի նահանջել խորհրդարանում, Մոսկվան կստանա ազդեցության նոր կարևոր լծակ հայկական քաղաքականության մեջ և կվերադարձնի իր տեղը բանակցությունների սեղանի շուրջ՝ տրանսպորտային միջանցքի ճակատագրի վերաբերյալ, որը կրում է Թրամփի անունը: Խորհրդանշականորեն, վարչապետի պաշտոնին հավակնելու Կարապետյանի մտադրության մասին հայտարարվել է ԱՄՆ փոխնախագահի՝ Երևան կատարած պատմական այցից անմիջապես հետո:
Այս մասին գրել է ռուս քաղաքական վերլուծաբան Կիրիլ Ռոգովը, որը որը 2022 թվականի փետրվարի 24-ից հետո Ռուսաստանից արտագաղթել է Ավստրիա:
Սա Re:Russia-ի հերթական վերլուծական ակնարկի հակիրճ ամփոփումն է:
