Hayat Project-ի կազմում այլևս ելույթ չեն ունենա Նարե Հովհաննիսյանն ու Արթուր Եղիազարյանը
- 1 day ago
- 1 min read
Ինչպես արդեն հայտնել էինք, Hayat Project-ը ներկայացրել է նոր տեսահոլովակ: Երգը կոչվում է «Ղուրբանդ Էղնիմ»:
Խմբի անդամներ Նարե Հովհաննիսյանն ու Արթուր Եղիազարյանն այլևս ելույթ չեն ունենա Hayat Project-ում։ Այս մասին տեղեկանում ենք խմբի ֆեյսբուքյան էջի միջոցով:
«HAYAT-ի սիրելի հանդիսատես.
Տեղեկացնում ենք ձեզ, որ մեր սիրելի գործընկերներ Նարե Հովհաննիսյանը և Արթուր Եղիազարյանը ցանկություն են հայտնել զբաղվել իրենց անհատական ստեղծագործական կարիերայով: Մենք հարգանքով ենք մոտեցել այդ որոշմանը և շնորհակալություն հայտնելով Նարեին և Արթուրին համատեղ երկարամյա արդյունավետ աշխատանքի համար, մաղթում ենք իրենց անհատական գործունեության մեջ նորանոր ստեղծագործական հաջողություններ, սիրուն երգեր և վերելք:
Հուսով ենք մի օր նորից կհանդիպենք ընդհանուր բեմահարթակին: Բարի ճանապարհ ձեզ, իսկ HAYAT-ը շարժվում է առաջ՝ նոր երգերով, նոր տեսահոլովակներով և հավատարիմ հանդիսատեսով»,- նշված է հաղորդագրության մեջ:
