Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը

Քիմ Քարդաշյանը «Ամերիկյան սարսափ պատմության» մեջ իր դեբյուտն արել է

ավելի քան վեց ամիս առաջ, սակայն նա խոստովանել է, որ դեռ չի դիտել շոուն:

«Jimmy Kimmel Live!» հեռուստաշոուի ժամանակ 43-ամյա Քարդաշյանն առաջին անգամ իրեն տեսել է Սիոբհան Քորբինի դերում, երբ հաղորդավարը ցուցադրել է սերիալից կարճ հատված։

«Ես սա առաջին անգամ եմ տեսնում», - խոստովանել է Քիմը: «Սա այնքան զվարճալի է, որ չեմ կարող նորից դիտել»,-ասել է նա,-«Ես այնքան եմ հուզվում»:

Նա ասում է, որ կարող է դիտել իր ռեալիթի շոուները (Keeping Up with the Kardashians եւ The Kardashians), բայց երբ խոսքը վերաբերում է American Horror Story-ին, «դա լրիվ այլ պատմություն է»: «Ես այնքան եմ նյարդայնանում: Սա տարօրինակ զգացողություն է»,-հավելել է նա:

Քարդաշյանը նշել է, որ իր քույրերին ասել է, թե որքան ավելի հեշտ է ռեալիթի հեռուստաշոու ստեղծելը համեմատած սերիալ նկարահանելուն։