«Էդպես ասաց, նայեց դեմքիս, թողեց, գնաց»․ Տավուշի մարզպետը Կիրանցի բնակչուհուն սպառնացել է՝ եթե չլքի իր տունը, որ այն հանձնեն Ադրբեջանին, նրան «զորքով կհանեն»

Կիրանց գյուղի բնակչուհին, ում տունը իշխանությունների «սահմանազատման» հետևանքով ադրբեջանցիներին է անցնելու, այսօր պատմել է, թե ինչ է իրեն ասել Տավուշի մարզպետը՝ ի պատասխան այն պնդման, որ իր հայրենի տունը չի թողնելու թշնամուն։ 

Իշխանությունը Տավուշի մարզպետ Հայկ Ղալումյանի շուրթերով՝ սպառնացել է Կիրանցի բնակչուհուն՝ եթե չլքի իր տունը, որ այն հանձնեն Ադրբեջանին, նրան «զորքով կհանեն»:

Կիրանցի բնակչուհին  նշում է․ «Ես ասացի՝ իմ վերջին շունչը իմ տան բակում կփչեմ, դուրս չեմ գա։ Նա ասաց՝ զորքով կհանեն, «զորքը կգա, դուրս կգաս»։ Էդպես նայեց դեմքիս, թողեց, գնաց»։