Մադրիդի «Ռեալ»-ը որոշում է կայացրել Վինիսիուսի ապագայի վերաբերյալ

Մադրիդի «Ռեալ»-ը որոշում է կայացրել թիմի բրազիլացի հարձակվող Վինիսիուս Ժունիորի ապագայի վերաբերյալ։ Այս մասին հայտնում է Armsport-ը՝ TodoFichajes-ին հղումով։

Աղբյուրի համաձայն՝ մադրիդյան ակումբը ցանկանում է երկարաձգել պայմանագրի ժամկետը բրազիլացու հետ և արդեն առաջարկ է պատրաստում։

Վինիսիուսի գործող պայմանագրի ժամկետը նախատեսված է մինչև 2027 թվականի կեսերը, սակայն ակումբում արդեն մտածում են այն երկարաձգելու մասին՝ ցանկանալով մարել աստղային հարձակվողի նկատմամբ այլ ակումբների հետաքրքրությունը:

Նախկինում լուրեր էին շրջանառվում սաուդյան ակումբների՝ Վինիսիուսին հսկայական գումարներ առաջարկելու ցանկության մասին։ Հարկ է նշել, որ 24-ամյա խաղացողի պայմանագիրը «Ռեալ»-ի հետ ներառում է 1 միլիարդ եվրոյի հրաժարագին։

Ընթացիկ մրցաշրջանում բրազիլացին «արքայական» ակումբի կազմում անցկացրել է 21 հանդիպում, որոնցում դարձել է 14 գոլի և 10 գոլային փոխանցման հեղինակ։