«Ոսկե գնդակ» 2026-ի մրցանակաբաշխությունը կանցկացվի Լոնդոնի Palladium թատրոնում

Այս գիշեր կհանձնվի համաշխարհային ֆուտբոլի ամենահեղինակավոր անհատական մրցանակներից մեկը՝ «Ոսկե գնդակը»՝ 2026 թվականի արդյունքներով։ France Football ամսագրի հիմնադրած մրցանակի 70-րդ մրցանակաբաշխությունը կանցկացվի Լոնդոնի London Palladium թատրոնում։

Մրցանակի պատմության մեջ առաջին անգամ արարողությունը կանցկացվի Ֆրանսիայի սահմաններից դուրս։ Այս տարի «Ոսկե գնդակը» նշում է հիմնադրման 70-ամյակը։ Լոնդոնում մրցանակաբաշխության անցկացումը դիտարկվում է նաև որպես հարգանքի տուրք անգլիացի ֆուտբոլիստ Սթենլի Մեթյուզի հիշատակին, որը 1956 թվականին դարձել էր մրցանակի առաջին դափնեկիրը։

Տարվա լավագույն ֆուտբոլիստի տղամարդկանց անվանակարգում առաջադրվել է 30 թեկնածու։ Ցանկում ընդգրկվել են այնպիսի աստղեր, ինչպիսիք են Լիոնել Մեսսին, Կիլիան Մբապեն, Էրլինգ Հոլանդը, Հարի Քեյնը, Լամին Յամալը և Ուսման Դեմբելեն։ Արդեն երրորդ տարին անընդմեջ թեկնածուների ցանկում չկա պորտուգալացի ֆուտբոլային աստղ Կրիշտիանու Ռոնալդուի անունը։

«Ոսկե գնդակ»-2026-ի հավակնորդների ամբողջական ցանկը՝

• Ջուդ Բելինգհեմ («Ռեալ Մադրիդ»)

• Պաու Կուբարսի («Բարսելոնա»)

• Մարկ Կուկուրելյա («Չելսի»)

• Ուսման Դեմբելե (ՊՍԺ)

• Լուիս Դիաս («Բավարիա»)

• Բրունու Ֆերնանդեշ («Մանչեսթեր Յունայթեդ»)

• Գաբրիել Մագալյանես («Արսենալ»)

• Էրլինգ Հոլանդ («Մանչեսթեր Սիթի»)

• Աշրաֆ Հակիմի (ՊՍԺ)

• Հարի Քեյն («Բավարիա»)

• Խվիչա Կվարացխելիա (ՊՍԺ)

• Լամին Յամալ («Բարսելոնա»)

• Սադիո Մանե («Ալ-Նասր»)

• Մարկինյոս (ՊՍԺ)

• Լաուտարո Մարտինես («Ինտեր»)

• Կիլիան Մբապե («Ռեալ Մադրիդ»)

• Նունու Մենդեշ (ՊՍԺ)

• Լիոնել Մեսսի («Ինտեր Մայամի»)

• Ժոաու Նևեշ (ՊՍԺ)

• Մայքլ Օլիսե («Բավարիա»)

• Վիլյամ Պաչո (ՊՍԺ)

• Խուլիան Կինյոնես («Ալ-Կադսիա»)

• Դեկլան Ռայս («Արսենալ»)

• Ռոդրի («Մանչեսթեր Սիթի»)

• Ֆաբիան Ռուիս (ՊՍԺ)

• Ուիլյամ Սալիբա («Արսենալ»)

• Ֆերան Տորես («Բարսելոնա»)

• Դայո Ուպամեկանո («Բավարիա»)

• Վինիսիուս Ժունիոր («Ռեալ Մադրիդ»)

• Վիտինյա (ՊՍԺ)

Հիշեցնենք, որ նախորդ տարի «Ոսկե գնդակի» դափնեկիր էր դարձել ՊՍԺ-ի ֆրանսիացի հարձակվող Ուսման Դեմբելեն։