Վիրաբույժները աջ ոտքի փոխարեն սխալմամբ անդամահատել են կնոջ ձախ ոտքը
Օհայոյից մի կին դատական հայց է ներկայացրել հիվանդանոցի դեմ, քանի որ վիրահատության ժամանակ անդամահատվել է սխալ ոտքը։ Այդ մասին հաղորդում է Daily Mail-ը։
Շերոն Ջեքսը պետք է ենթարկվեր աջ ոտքի ծնկից ներքև անդամահատման՝ քաղցկեղի պատճառով։ Սակայն, ըստ հայցի, վիրաբուժական թիմը սխալմամբ հեռացրել է նրա առողջ ձախ ոտքը։
Այնուամենայնիվ, հիվանդը ստիպված է եղել անդամահատել նաև հիվանդ աջ ոտքը, ինչի արդյունքում նա մնացել է առանց երկու ոտքերի։
Կնոջ փաստաբանը պնդում է, որ վիրաբույժը վիրահատությունից առաջ ճիշտ է նշել հեռացվող վերջույթը։ Այս նշանը, ըստ նրա, մնացել է նրա աջ ոտքի վրա նույնիսկ այն բանից հետո, երբ բժիշկները անդամահատել են ձախը։
Հիվանդանոցը պնդում է, որ վիրահատարանի ընթացակարգերը «չեն պահպանվել»։ Այն նաև հայտնել է, որ վիրահատությանը մասնակցած բժշկական անձնակազմը այլևս չի աշխատում։
Ջեքսը պահանջում է փոխհատուցում իր հաշմանդամության, ֆիզիկական և հուզական տառապանքների, ինչպես նաև բժշկական ծախսերի համար։
