Աննա Հակոբյանը ևս մեկ շանս է տվել Նիկոլ Փաշինյանին

«Իրական կյանքը շատ ավելի բարդ է քան թատրոնը։ Եթե մինչև հիմա չեք համոզվել դրանում, ձեր հետագա կյանքում դրանում կհամոզվեք»,- կառավարության ճեպազրույցների սրահում հայտարարեց Փաշինյանը՝ մեկնաբանելով Աննա Հակոբյանի հետ վերամիավորվելու փաստը։

Նա նշեց, ո երբ Աննա Հակոբյանը հայտարարել էր, որ հեռնում է իրենից, ինքը արձագանքեց, որ հարգանքով է վերաբերվում այդ որոշմանը։

«Բայց չասացի, որ ես հաշտ եմ այդ որոշման հետ և ես բնականաբար այդ տրամաբանությամբ, նաև ջանքեր եմ գործադրել, որ պեսզի ձեր ասած իրադարձությունը տեղի ունենա և ուրախ եմ, որ  դա տեղի է ունենում և ուրախ եմ, որ ևս մեկ շանս ունեմ որպեսզի մեր ընտանիքը պահպանվի»։

Հիշեցնենք, որ հիշատակված արձագանքի ավարտին Փաշինյանը նաև ներողություն էր խնդրել Աննայից։