Բժիշկը զգուշացրել է շոկոլադի պատճառով քաղցկեղի զարգացման ռիսկի մասին․ կարող է ազդել լյարդի առողջության վրա

Շոկոլադի  չափից շատ օգտագործումը մեծացնում է քաղցկեղի զարգացման ռիսկը, ասել է վիրաբույժ Լուկաս Նասիֆը Terra-ին տված հարցազրույցում։

Նասիֆը նշել է, որ լյարդը պատասխանատու է մարդու կողմից կլանվող բոլոր սննդամթերքների նյութափոխանակության համար, իսկ շոկոլադը պարունակում է մեծ քանակությամբ շաքար և ճարպ։ Օրգանը սկսում է ավելի ծանրաբեռնված աշխատել։ Վերջին հաշվով, հաճախակի օգտագործումը կարող է հանգեցնել լյարդի ճարպային հիվանդության։ «Այս վիճակը մեծացնում է ցիռոզի, ֆիբրոզի և նույնիսկ լյարդի քաղցկեղի առաջացման ռիսկը»,- ընդգծել է նա։

Լյարդի ճարպային հիվանդության ախտանիշների շարքում բժիշկը նշել է քրոնիկ հոգնածությունը, ուտելուց հետո ծանրության զգացումը, որովայնի աջ կողմում անհարմարության զգացումը, որովայնի ճարպի կուտակումը և արյան անալիզներում լյարդի ֆերմենտների մակարդակի բարձրացումը։