Թրամփը կրկին քննադատել է ՆԱՏՕ-ի անդամ երկրներին. մենք նրանց օգնության կհասնենք, իսկ նրանք մեզ համար՝ ոչ

ԱՄՆ նախագահ Դոնալդ Թրամփը շարունակել է իր հարձակումները ՆԱՏՕ-ի դաշինքի վրա այսօր առավոտյան կաբինետի նիստում՝ քննադատելով ԱՄՆ ավանդական դաշնակիցներին Իրանի հետ պատերազմում «բացարձակապես ոչինչ» չանելու համար, հաղորդում է NBC News-ը։

«25 տարի առաջ ես ասացի, որ ՆԱՏՕ-ն թղթե վագր է, սակայն ավելի կարևոր է, որ մենք նրանց օգնության կհասնենք, մինչդեռ նրանք երբեք մեզ օգնության չեն հասնի»,- ասել է Թրամփը՝ ակնարկելով ՆԱՏՕ-ի նկատմամբ իր կասկածամտության մասին՝ նախագահական մրցավազքին մասնակցելուց առաջ։

Ընդսմին, ԱՄՆ նախագահը պնդել է, որ Վաշինգտոնը ՆԱՏՕ-ի օգնության կարիքը չունի։

Նա ծաղրել է բրիտանական ավիակիրները՝ հայտարարելով, որ դրանք «խաղալիքներ են՝ համեմատած նրա հետ, ինչ մենք ունենք»։

«Մեզ դա պետք չէ, և մենք դրա կարիքը չունենք։ Նրանք մեզ պետք չեն»,- ասել է Թրամփը։