Թրամփի՝ Իրանին տրված վերջնաժամկետը մոտենում է ավարտին, Վաշինգտոնը սպասում է որոշման․ «Al Arabiya»
- 17 hours ago
- 1 min read
ԱՄՆ նախագահ Դոնալդ Թրամփի կողմից Իրանին տրված վերջնաժամկետը մոտենում է ավարտին, Վաշինգտոնը սպասում է, որ Թեհրանը շուտով որոշում կկայացնի բանակցությունների վերաբերյալ, հայտնել է «Al Arabiya» հեռուստաալիքը։
Թրամփը միջնորդներին տեղեկացրել է, որ բանակցային գործընթացը չի երկարաձգվի 60 օրից ավելի և ընդգծել է, որ իրանական կողմը պետք է անհապաղ արձագանքի։
Ըստ հեռուստաալիքի՝ որոշակի առաջընթաց է գրանցվել իրանական ակտիվների ազատման հետ կապված, այնուամենայնիվ, կողմերի միջև տարաձայնություններ են մնում ազատվող գումարի և այս գործընթացի իրականացման ժամկետի վերաբերյալ։
